Ditulih dek
Novri Investigasi
Alah talampok matohari. Disangko galok ka turun hujan.
Asok bana manyeso diri
Indak tantu apo nan ka dikarajoan
Batanyo denai ka bakeh diri
Malang juo nan ditarimo
Cubo jawek lah tanyo kami
Apo bana jalan kaluanyo
Habih raso hilang pangana
Asok juo mambuek rasah
Alah libur anak sakola
Baraja sajo kini di rumah
Co Iko bana nan ditanggungkan
Mambaka hutan sakahandak hati
Ba harok juo turun hujan
Kok lai tarang juo nagari
Yo sabana bedo, alah tabedo bana. Indak ado akai lai. Alah sahabih aka. Baa kok indak, alah libur juo anak sakolah
balik. Minggu patang, dihimbau baraja di rumah.
Kini ba ulang lo balik. Asok manjadi panyababnyo. Sabana jaek asok ko. Manuruik ilimu per asok an, kualitas udaro Kota Padang, alah mancapai 904. Aratie alah babayo bana.
Makonyo, sakola di liburkan. Mulai dari tingkek PAUD hinggo SMP. Nan bedonyo, libur ko diagiah tahu mandadak, mambuek urang tuo tasadak. Alah cameh maliek nasib anak
Nan mambuek batanyo juo, sakola indak sakola, nan anak takah itu juo. Di rumah bana, anak indak talok di kuruang. Apo lai baraja. Nan bamain, taruih bamain. Nan malala, ka malala juo. Baa juo lai.
Asok Kiriman
Baa bana asok ko, mambuek takuik urang sa nagari. Manuruik carito nan didanga, kaba ditarimo, asok ko kiriman dari tetangga, takah Riau, Jambi Jo Bengkulu. Namo asoknyo Karhutla, bahaso awaknyo asok kiriman
Bia labiah mangarati, mako kalua asok ko. Dek hutan dibaka, ka mambuek lahan sawit jo ladang baru. Baitu juo lahan gambut. Ko ado di Sumbar, Riau Jo Jambi. Jikok dibaka api ko hiduik dibawah tanah, sampai 3 meter
Panyabab lain, dek tajadi kamarau panjang, sahinggo udaro jadi lambok, turun 40 %. Sabaliknyo, titik api manjadi naik. Tamasuk juo invensi suhu. Kok pagi dingin bana dibawah, di ateh angek asok tajebak indak naik. Sahinggo, jam 6-10 asok kalua pakek. Mako anak indak sakola
About the Author
