Hujan hujan lah turun pulo. Taniayo juo urang bakarajo. Indak salasai tapek waktunyo. Tambahan waktu nan manghintai, dando manunggu juo. Iyo sabana sansaro. Malang bana nan malendo
Jan kan untuang nan ka dapek. Dando bana nan manjarek. Antah apo nan ka didapek. Yo sabana padiah, indak katabaleh jariah. Kok lai dapek batenggang, wakatu dipanjang, dando hilang, Mako disiko hati ka sanang
Sabananyo, cuaca ekstrem jo curah hujan tinggi, tajadi satiok tahun. Samantaro, karajo tahun jamak, namuah indak namuah disalasaikan sasuai kontrak. Biasonyo habih dipanghujuang tahun.
Manjadi tando tanyo juo, lah jaleh cuaca ko panghalang ndak dapek diatasi, dek nagari awak, ado musim paneh jo hujan. Baa kok indak ado juo jalan kaluanyo. Bakalibuik satiok tahun, karajo talambek Dando manjarek
Diakui indak diakui, tapi tajadi didunia jasa konstruksi . Cuaca ekstrem jo curah hujan tinggi, acok mangundang sangketo, bahubungan jo tambahan wakatu atau disabuik juo EOT dan dando talambek karajo. Kadang baujuang juo jo main mato
Baa kok indak! Lah jaleh syaraik indak tapanuhi untuak tambahan wakatu jo dando. Dek manyalamaik an karajo sarato perusahaan supayo indak kanai catatan hitam, blacklist Bahaso Inggirihnyo, dibuek rekayasa laporan. Parahnyo, progres karajo dinalik an.
Ingek juo, indak sumbarang sajo diagiah tambahan wakatu, walau dihadang cuaca ekstrem jo curah hujan tinggi. Tambahan wakatu tu, buliah, tapi dikategorikan kaadaan mahar (Force Mejauree) disabuik jo kajadian kompensasi.
Aratinyo, cuaca jauh dari luar rata rata normal, mangakibaik an banjir bandang. Sahinggo, sacaro fisik, karajo indak dapek bisa dilanjuik an. Samantaro hujan, itu biaso, karajo tajadi satiok tahun. Ndak bisa dijadi an alasan
Itu namonyo Kelalaian kontraktor, karano indak bisa mangatasi masalah nan tajadi. Kalau talambek, buliah juo karajo dilanjuik an, tapi Kanai dando sebesar 1% (satu permil) satiok hari dari nilai kontrak, bisa juo dari nilai bagian kontrak nan alun salasai.
Karajo bisa dilanjuik an paling tinggi 50 hari kalender). Catatan juo, PPK lai yakin, kontraktor dapek manyalasaian karajo, hinggo 50 hari kalender, sasuai Permen LKPP. Tantu, batanyo juo, karajo talambek, wakatu ditambah, tapi Indak Kanai dando, apopulo syaraiknyo. Tunggu yo, disambung Beko
Panulih
Novri Investigasi
About the Author
